Алдан олохтооҕо түөкүттэргэ албыннаппыт

Ааптар: 
Бөлөххө киир:

Алдан оройуонун олохтооҕо түөкүттэр угаайыларыгар киирэн биэрбит.

ИДьМ Алданнааҕы отделыгар 33 саастаах киһи сайабылыанньа суруйан киллэрбитин туһунан ИДьМ Саха сиринээҕи салаатын саайтыгар суруллар.
Алдан оройуонун олохтооҕо, 33 саастаах киһи «Instagram» социальнай ситимигэр көрбүт биллэриитинэн массыына көлүөһэтэ атыылаһаары албыннаппыт. Суруйсуу кэнниттэн атыылаһааччы атыыһыт эппит каартатын нүөмэригэр 37 000 солк. ыыппыт. Ол эрээри көлүөһэтиттэн мэлийбит.

«Халбархай суолга киирэн биэрбэт туһуттан, интэриниэтинэн көрөн атыылаһаргытыгар, атыыһыт дааннайдарын бэрэбиэркэлээҥ, үчүгэйдик үөрэтиҥ, хампаанньа ыстааһыгар уонна сурутааччыларын ахсааныгар болҕомтоҕутун ууруҥ. Дьон тугу суруйбутун болҕойон ааҕыҥ уонна биир эмэ ааптары кытта сибээскэ тахсыҥ. Сыананы көрүҥ, өскөтүн кэппиэйкэҕэ сыаналыыр буоллахтарына, сэрэнэргэ төрүөт баар», — диэн ИДьМ Алданнааҕы отдела сэрэтэр.

+1
0
+1
0
+1
0
+1
0
+1
0
+1
0
+1
0