Уопсастыба

Алдан хомунаалынай хаһаайыстыбаларыгар тустаах министиэристибэттэн көмө барда



CӨ ОДьКХ министиэристибэтэ Алдаҥҥа икки туонна дьиэни-уоту дезинфекциялыыр эми-тому, тэриллэри ыытта.

edersaas.ru

yakutia-daily.ru саайт суруйарынан, бу туһунан СӨ ОДьКХ уонна Энэргиэтикэ миниистирэ Дмитрий Садовников Алдан баһылыгын уонна оройуоннааҕы хомунаалынай хаһаайыстыба тэрилтэлэрин кытта видео-сибээһинэн ыытыллыбыт мунньахха иһитиннэрдэ.

Миниистир бэлиэтээбитинэн, Ил Дархан Айсен Николаев Алдан куоракка харантыыны биллэрээтин кытта, министиэристибэ оперативнай ыстаабыгар муниципальнай тэриллии дьиэлэрин дезинфекциялыырга сорудахтаммыт.

Бүгүн Алдан куоратыгар Дьокуускайтан икки туонна дезинфекциялыыр эми-тому, тэрили ыытарга быһаардыбыт. Биһиги куорат балаһыанньатын мантан кэтээн көрө олорон, туох наадатын билэ охсон, суһаллык быһаарыныы ылына олоруохпут. Оройуоннааҕы хомунаалынай хаһаайыстыба тэрилтэлэрэ муҥутуур бэлэм эрэсииминэн үлэлии олороллор.

Оттон оройуон нэһилиэнньэлээх баһылыктара  элбэх кыбартыыралаах дьиэлэргэ, бородуукта маҕаһыыннарыгар уонна оптуобус тохтобулларыгар дезинфекцияны кэмиттэн кэмигэр ыытыыны хонтуруоллуу олороллор, — диэн иһититиннэрдэ миниистир Дмитрий Садовников.

Елена ПОТОЦКАЯ, «Саха сирэ» хаһыат, edersaas.ru

Хаартыска – yakutia-daily.ru саайтан.

 

0
0

Санааҕын суруй