«Култуура» национальнай бырайыагынан, Алдан бибилэтиэкэтэ SMART-лабораторияланна.
Н.А.Некрасов аатынан оройуоннааҕы киин модельнай бибилэтиэкэни саҥардан оҥорууга уонна сыыппараҕа киллэриигэ кыаҕы биэрбиттэригэр кэлэктиип СӨ Култуура уонна духуобунай сайдыы министиэристибэтигэр, Национальнай бибилэтиэкэ салалтатыгар, эрэгийиэннээҕи бырайыактыыр офиска, Алдан оройуонун дьаһалтатыгар махтанар.
—Саҥардыллан оҥоһуллубут бибилэтиэкэбит иһитиннэрэр-аралдьытар, билиини-көрүүнү биэрэр аныгы дэгиттэр тэрилтэ буолла. Бу уопсастыбаннай олох киинэ, бэйэ кыаҕын арыйарга көмөлөһөр былаһаакка, билиини-көрүүнү, социальнай уонна култуурунай эйгэҕэ барытыгар хардарыта сибээстээх үлэлииргэ ситимниир, — диэтилэр бибилэтиэкэ үлэһиттэрэ.
СӨ Култуура уонна духуобунай сайдыы министиэристибэтэ саайтыгар бэлиэтээбитинэн, бибилэтиэкэҕэ харахтарынан инбэлииттэр, мөлтөхтүк көрөр уонна көрбөт дьон бары кыаҕы харгыһа суох туһанан үлэлииллэригэр, үөрэнэллэригэр, сынньаналларыгар усулуобуйа тэриллибит. Ол курдук, ноутбуктаах, онно анал бырагырааманан хааччыллыылаах үлэлиир сир тэриллибит. Манна тиэкиһи дорҕоонноохтук ааҕан иһитиннэрии (text-to-speech), клавиатуранан хааччаҕа суох тутталларыгар кыаҕы биэрэр.
Бибилэтиэкэҕэ маны сэргэ өссө виртуальной көрдөрүү хоһо баар. Онно VR-шлему оҕолор да, улахан да дьон кэтэннэр атын дойдуну, сири-уоту, куораттары, аан дойду музейдарын көрүөхтэрин сөп. 3D принтер ордук улахан сэҥээриини ылбыт.
Бибилэтиэкэ дириэктэрэ Наталья Речистер сенсорнай киосканы, интерактивнай остуолу билиһиннэрбит. «Государственная символика», «Окружающий мир», о.д.а. оҕолору үөрэтэргэ тутталлар. Алдан политэхиньиичэскэй техникумун кытары бииргэ үлэлээһиннэринэн, үөрэнээччилэр толкуйдуур уонна айар дьоҕурдарын сайыннарарга ураты бырагыраама толкуйдаммыт. Устудьуоннар номнуо 3D уруучуканан уруһуйдаабыттар, электрическэй схема толкуйдаабыттар, робототехническай систиэмэ бырайыактыыр принциптэрин үөрэппиттэр. Smart-лабораторияҕа араас сыһыарыыларынан үлэлиир усулуобуйа тэриллибит. Smart-лабораторияны тэрийэргэ өрөспүүбүлүкэ бүддьүөтүттэн 1,3 мөл.солк., 97,8 тыһ.солк. муниципалитет тыырбыт.
+1
+1
+1
+1
+1
+1
+1