Алдан виртуальнай кэнсиэртиир саалатыгар бастакы тэрээһиннэр ыытыллаллар
«Култуура» национальнай бырайыак цифровой култуураҕа федеральнай бырайыагын чэрчитинэн Алдаҥҥа «Solo Tango Orquestа» бөлөх «Танго-феерия» диэн кэнсиэри көрдөрдө.
«Виртуальнай саала тэриллэн Алдан олохтоохторо «Solo Tango Orquestа» бөлөх айар үлэтин кытта билистилэр. Мусукааннар саамай бастыҥ айымньыларын толордулар. Бу бөлөх Италияҕа, Германияҕа ыытыллыбыт норуоттар икки ардыларынааҕы куонкурустар кыайыылаахтарынан буолаллар. Итиэннэ «Premios Tango» диэн бастакы интернациональнай танго-бириэмийэҕэ иккитэ номинацияҕа киирбит Европаҕа соҕотох кэлэктиип буолар. Онон, «Култуура» национальнай бырайыак көмөтүнэн бу айар бөлөх үлэтин-хамнаһын Алдан истээччилэрэ биллилэр», — диэн иһитиннэрэллэр.
Алдаҥҥа виртуальнай кэнсиэртиир саала судаарыстыбаннай кэнсиэрдиир оркестр баазатыгар бу күһүн арыллыбыта. Манна «Култуура» национальнай бырайыагынан федеральнай бүддьүөттэн 1 мөлүйүөн солкуобай, Саха сирин бүддьүөтүттэн 500 тыһыынча солкуобай көрүллэн тэриллибитэ.
СӨ култуураҕа уонна духуобунай сайдыыга министиэристибэтин пресс-сулууспата.
А. Сташкова хаартыскаҕа түһэриитэ.