Алдан оройуонун баһылыга Северин Поздняков «инстаграмҥа» быһа эпииргэ иһитиннэрбитинэн, бүгүн муниципальнай тэрилии сиригэр-уотугар өссө аҕыс киһи эбии ыалдьыбыта биллибит. Онон, Алдаҥҥа 22 киһи коронавирус дьаҥыгар сутулунна диэн СИА иһитиннэрэр.
«Коронавирус ыарыытыгар сутуллубут дьон ахсаана элбиир. Бүгүн номнуо 22 киһи буолла. Билиҥҥитэ өссө атын анаалыстар бэрэбиэркэҕэ бааллар, ол түмүктэрин күүтэбит«, — диэн Алдан оройуонун баһылыга Северин Поздняков иһитиннэрдэ.
Кини бэлиэтииринэн, бу аҕыс саҥа ыалдьыбыт дьон обсерваторга коронавируска уорбаланан киирбит дьон эбит. Билигин кинилэри Алданнааҕы киин балыыһаҕа эмтииллэр.
«Билигин 95 киһи дьиэҕэ бэйэтин хааччахтаан олорор, 84 киһи обсерваторга, 25 киһи инфекционнайга, ол иһигэр 22 коронавируһунан ыалдьыбыт киһи бааллар«, — диэн Поздняков эбэн этэр.
edersaas.ru
+1
+1
+1
+1
+1
+1
+1