Ааспыт субуоталаах өрөбүлгэ Алданнааҕы спорт кыһыҥҥы көрүҥнэригэр киин баазатыгар хайыһарга Бүттүн Арассыыйатааҕы күрэхтэһии ыытылынна.
Куоталаһыыга дойду сэттэ регионуттан биэс уонча спортсмен, ол иһигэр 14 РФ спордун маастара, 11 маастарга хандьыдаат уонна биир норуоттар икки ардыларынааҕы кылаастаах спорт маастара, күрэс былдьаста.
Бастакы күн классическай ньыманан сүүрдүлэр. Иккис күн сприҥҥэ илин-кэлин түһүстүлэр.
Күрэхтэһии түмүгэ маннык буолла:
Классическай ньыманан биэс биэрэстэҕэ сүүрүү. Дьахталлар
1 Елизавета Шалобода (Приморье)
2 Надежда Кузнецова (Хабаровскай);
3 Анастасия Дубова (Саха сирэ).
Классическай ньыманан биир көскө сүүрүү. Эр дьон
1 Михаил Соснин (Саха сирэ)
2 Николай Полевой (Хабаровскай)
3 Александр Клуген (Саха сирэ).
Көҥүл ньыманан 1,2 биэрэстэҕэ сүүрүү. Дьахталлар
1 Зоя Зайцева (Саха сирэ)
2 Екатерина Макурина ( Хабаровскай)
3 Екатерина Денисова (Хабаровскай).
Көҥүл ньыманан 1,4 биэрэстэҕэ сүүрүү. Эр дьон
1 Александр Клуген (Саха сирэ)
2 Михаил Соснин (Саха сирэ)
3 Владимир Рыбкин (Саха сирэ).
Роман Попов, “Саха сирэ” хаһыат
Хаартыска Интэриниэттэн ылылынна.