«Бу туох алдьархайай!» диэн киһи саҥа аллайыан баҕарар. Нэдиэлэ эрэ анараа өттүгэр Горнай улууһугар түөрт киһи өлүүлээх суол быһылаана буолбута. Аны бу бэҕэһээ — Алдаҥҥа…
СӨ ИДьМ-тын ГИБДД пропагандаҕа отдела иһитиннэрбитинэн, кулун тутар 17 күнүгэр, күнүс 12.00 чаас саҕана, Алдан полициятын дьуһуурунай чааһыгар иһитиннэрии киирбит. Алдан куораттан 120 км. ыраах сытар суолга икки массыына харсыспытын, дьон өлбүтүн туһунан.
Барыллаан быһаарыынан, Алдантан айаннаан испит «Тойота Премио» массыына түргэнин хонтуруоллаабакка, уруулун сатаан туппакка, утары суолга ойутан тахсан, «Ниссан Патрол» массыыналыын харсыспыт.
Ол түмүгэр, «легковушкаҕа» олорсон испит дьахтар, кини 2012 уонна 2017 сыллаах төрүөх кыргыттара миэстэтигэр өлбүттэр. Оттон массыынаны ыытан испит аҕалара ыарахан эчэйиилэри ылан, балыыһаҕа киллэриллибит.
Быһылаан буолбут сиригэр суһал-силиэстийэлиир бөлөх үлэлиир.
Биһиги корр., «Саха сирэ» хаһыат, edersaas.ru
Хаартыска: Якутск.ру