Бэс ыйын 17 күнүгэр СӨ Бырабыыталыстыбатын бэрэссэдээтэлин бастакы солбуйааччы Кирилл Бычков Алдан куорат баһылыгын Александр Бугайы кытары көрүстэ. «2019-2025 сс. хаарбах туруктаах дьиэттэн дьону көһөрүү» бырагыраама олоххо киириитин дьүүллэстилэр.
Александр Бугай Алдаҥҥа 2019 с. түһүмэхтэринэн уопсайа 3 939, 96 кв.м. иэннээх 72 дьиэттэн 163 киһи 197,47 мөл.солк. компенсациянан туһанан көспүттэрин эттэ. 2020 сыл түһүмэҕинэн 10587 кв м. иэннээх 4 олорор дьиэ тутуллубут, компенсация төлөбүрүгэр 124 сөбүлэҥ түһэрсиллибит. 2021 сылга түһүмэхтэргэ 49 сөбүлэһии түһэрсиллибит, биэс олорор дьиэ тутулла турар. Бүгүҥҥү күҥҥэ түҥэтэргэ 30 тыһ. кв.м. иэннээх үс учаастак бэлэмнэниллибит, ону сэргэ компенсацияҕа сөбүлэһиилэр түһэрсиллэллэр.
Куорат баһылыга этэринэн, биир эбийиэк халбархай балаһыанньалаах, ону сэргэ, тутууну салгыы ыытарга учаастактары бэлэмнээһиҥҥэ олохтоох бүддьүөккэ үп-харчы тиийбэт. Маны таһынан, тутуу бара турдаҕына, элбэх киһи компенсация ылаары быһаарыныыларын уларыталлар.
Бастакы вице-премьер кыһамньыта суох тутааччыларга боппуруоһу сүрүннүүр, бэрээдэктээн биэрэр, ону сэргэ, тутууну салгыы ыытарга учаастагы биэриини быһаарар наадатын ыйда.
+1
+1
+1
+1
+1
+1
+1