РФ Силиэстийэлиир кэмитиэтин Саха сиринээҕи управлениетын пресс-сулууспата иһитиннэрбитинэн, Алдаҥҥа 40 саастаах киһи өлүгэ көстүбүт чахчытынан холуобунай дьыала тэрилиннэ.
Вера МАКАРОВА, «Саха сирэ», edersaas.ru
«Киһини соруйан өлөрүү» ыстатыйанан. Бу киһи быһаҕынан анньыллыбытын дьиэтиттэн булбуттар.
Полиция оперативниктара бу өлөрүүгэ уорбалаан, 59 саастаах дьахтары туттулар. Барыллаан быһаарыынан, тохсунньу 10 күнүгэр дьахтар ити киһиэхэ кэлбит. Туохтан эрэ сылтаан кыыһырсыы тахсыбытыгар, дьахтар дьиэлээх хаһаайыны хаста да быһаҕынан анньан, миэстэтигэр өлөрбүт.
Уорбаланааччы «бэйэбин көмүскэммитим» диэн көрдөрүү биэрбит. Силиэстийэ салҕанар.
+1
+1
+1
+1
+1
+1
+1