Ил Дархан Айсен Николаев бүгүҥҥү брифиҥҥэ Алдаҥҥа харантыын биллэриллибитин эттэ. Итиэннэ кини алданнары тулуурдаах буолалларыгар, харантыын кэмигэр бэйэни хааччахтаныы эрэсиимин кытаанахтык тутуһалларыгар ыҥырда.
—Харантыын СӨ кылаабынай санитарнай бырааһын быһаарыытынан киллэрилиннэ. Алдаҥҥа бу уустук күннэргэ киирии-тахсыы тохтотулунна. Наадаҕа барыы-кэлии анал көҥүл суругунан (пропуһунан) эрэ буолуоҕа.
Бэрээдэги араҥаччылааччылар ботуруулга тахсаллара, ЫБММ Саха сиринээҕи салаатын улуустааҕы отделениета, доруобуйа харыстабылын тэрилтэтэ, ас-үөл уонна күннээҕи наадалаах тэрили атыылааһын эрэ көҥүллэнэр.
Онон, Алдан олохтоохторо, барыта этэҥҥэ буолуор диэри ирдэбили, олохтоммут быраабыланы тутуһаргытыгар көрдөһөбүн. Тулуурдаах буолуҥ. Коронавирус дьаҥын тарҕаппат туһуттан маннык быһаарыы ылыныллыбытын сөпкө өйдүөххүт диэн эрэнэбин. Бу эһиги доруобуйаҕытын харыстыыр туһуттан, — диэтэ Айсен Николаев.
+1
+1
+1
+1
+1
+1
+1