Бүгүн, муус устар 13 күнүгэр, сарсыардааҥҥы брифиҥҥэ Ил Дархан Айсен Николаев Саха сиригэр дойду атын куораттарыттан, омук сириттэн кэлбит дьон икки нэдиэлэ булгуччу дьиэлэриттэн тахсыбакка олороллоро ирдэнэрин туһунан санатта.
«Холобур, Алдаҥҥа тустаах эрэсиими тутуспакка бэрээдэги биирдэ кэһии түмүгэр, сыстыганнаах дьаҥҥа хас да киһи сутуллуон сөп. Онон Алдаҥҥа нэһилиэнньэ доруобуйатын харыстыыр туһугар кытаанах харантыын киллэрдибит.
Дьокуускайтан Росгвардия үлэһиттэрэ тиийэн олохтоохтор харантыыны төһө тутуһалларын бэрэбиэркэлиэхтэрэ. Алдан таһынааҕы Ленинскэй бөһүөлэк эмиэ харантыыҥҥа барда. Бу күннэргэ Алдаҥҥа балаһыанньаны хонтуруолга ылыахпыт», — диэн иһитиннэрдэ кини.
Марианна Тыртыкова, «Саха сирэ» хаһыат, edersaas.ru
Хаартыска ont.by
+1
+1
+1
+1
+1
+1
+1