Алдаҥҥа коронавируһунан биллэриллибит харантыын, эпидемиологическай турук көммүтүнэн, бүгүҥҥүттэн тохтотулунна. Бу туһунан СӨ Бырабыыталыстыбатын Бэрэссэдээтэлин солбуйааччы Ольга Балабкина эттэ.
—Өрөспүүбүлүкэ Ил Дархана Айсен Николаев быһаарыытынан, Алдаҥҥа харантыын тохтотулунна. Ол гынан баран, Алдан куоратыгар ыам ыйын 31 күнүгэр диэри дьиэҕэ бэйэни хааччахтанан олоруу эрэсиимэ булгуччу тутуһуллуохтаах. Маныаха хааччахтаныы, ирдэбил эрэсиимин тутустахха эрэ бу дьаҥы бохсор кыахтаахпыт, — диэтэ кини.
Итиэннэ, ордук, 65-тэн үөһээ саастаахтар дьиэҕэ хааччахтанан олороллоругар эттэ. Арҕах буолбут ыарыылаахтар бэйэлэрин доруобуйаларыгар болҕомтолоохтук сыһыаннаһалларыгар, бэйэ-бэйэҕэ харыстабыллаах буоларга ыҥырда.
+1
+1
+1
+1
+1
+1
+1