СӨ Ил Дархана Айсен Николаев бүгүн, муус устар 12 күнүгэр, брифиҥҥэ өрөспүүбүлүкэҕэ коронавирус балаһыанньатын билиһиннэрдэ. Итиэннэ кэнники хонукка балаһыанньа уустугурбутун эттэ.
— Бастатан туран бу — Алдаҥҥа. Онно сабаҕалааһынынан, коронавирус дьаҥыгар хаптарбыт дьон баар буолуохтарын сөбүн быһыытынан, үлэ ыытыллыбытын түмүгүнэн маннык быһаарылынна, — диэтэ кини. —Бэҕэһээ онно 3 киһи бу дьаҥҥа хаптарбыт буолуон сөбө билиннэ. Мантан иккитэ бу коронавирустаабыт кэргэнниилэри кытта хантаактаспыт буоллахтарына (Алдаҥҥа иллэрээ күн кэлбит уонна коронавирус дьаҥыгар хаптарбыттара быһаарыллан, хааччахтааһыҥҥа олороллоругар этиллибит кэргэнниилэр), үһүс, олохтоох киһи . Кини бу дьону кытары хантаага суох. Кисловодскайтан Москванан көтөн, муус устар 4 күнүгэр Алдаҥҥа кэлбит. Оттон бу күннэргэ сэбиргэхтэппитэ биллэн, ол гынан баран коронавирус дьаҥыгар хаптарбыт буолуон сөп диэн уорбаланан, госпитализацияламмыта. Бэҕэһээ, Дьокуускайга бэрэбиэркэлэммит анаалыһа «положительнай» буолла. Билигин кини хантаактаспыт дьонун чуолкайдааһын уонна олору хааччахтааһын үлэтэ ыытыллар.
Икки күн иһигэр, кыра куоракка, биэс киһи. Онон уустук балаһыанньа кэмигэр ирдэбили, эрэһиими Алдаҥҥа да, атын да улуустарга тутуһаллара ирдэнэр.
Бүгүҥҥүттэн, муус устар 12 күнүттэн, Алдаҥҥа харантыын биллэрилиннэ, — диэтэ.
edersaas.ru
РИА хаартыската.