Алдаҥҥа бэйэлэрэ дьарыктаахтар хаартыскаҕа түһэрэ үөрэннилэр
15.09.2021
Алдаҥҥа бэйэлэрэ дьарыктаахтар хаартыскаҕа түһэрэ үөрэннилэр.
Бу «Создание благоприятных условий для осуществления деятельности самозанятыми гражданами» федеральнай бырайыак иитинэн ыытылынна диэн СӨ Урбаан, атыы-эргиэн уонна туризм министиэристибэтин пресс-сулууспата иһитиннэрэр. «Мин биисинэһим» киин тэрийиитинэн ыытыллыбыт тэрээһин Алдаҥҥа биисинэс-инкубаторга буолбут.
Мустубут дьону үөрүйэхтээх фотограф Антонина Бочкарева үөрэппит. Кини цифровой аппараат кыаҕын уонна туох хааччахтааҕын, камера хайдах оҥоһуулааҕын билиһиннэрбит. Фотоаппарааты хайдах туһанарга, хаартыскаҕа хаачыстыбалаахтык түһэрэргэ туох наадатын өйдөппүт. Маастар-кылааска сылдьыбыттар хаартыскаҕа түһэрии албастаргар үөрэммиттэр. Теорияны таһынан, хаартыскаҕа түһэрбиттэр, ыйытыыларыгар хоруйдары ылбыттар. Түмүккэ бары туһалаах үөрэх буолбутун бэлиэтээбиттэр.
+1
+1
+1
+1
+1
+1
+1