Коронавирус пандемиятынан сибээстээн харантыын биллэриллибит Алдан куоратыгар эбии биэс ИВЛ аппараатын тиэртилэр.
edersaas.ru
Бу туһунан СӨ Бырабыыталыстыба бэрэссэдээтэлин солбуйааччы Ольга Балабкина видео-сибээһинэн уочарааттаах брифиҥҥэ иһитиннэрдэ.
Вице-премьер иһитиннэрбитинэн, улуустааҕы киин балыыһа инфекционнай балыыһытыгар 20 куойка бэлэмнэннэ. Куоракка 230 куойка-миэстэлээх икки улахан эбийиэк обсерваторга бэриллэн турар. Эбии обсерватор быһыытынан туттуллуохтаах 40 куойка-миэстэлээх эбийиэк Ленинскэй бөһүөлэккэ бэлэмнэннэ.
Билиҥҥи туругунан Алданнааҕы обсерваторга 71 киһи киирдэ.
Елена ПОТОЦКАЯ, «Саха сирэ» хаһыат, edersaas.ru
Хаартыска – СИА.
+1
+1
+1
+1
+1
+1
+1