«Фонд защиты прав граждан — участников долевого строительства» (Москва к.) кэтээн көрөр сэбиэтин быһаарыытынан, «Симиир» ХЭУо өлүүлэһэн тутууга кыттыбыт дьоҥҥо харчынан толуйуу оҥоһуллуоҕа. Бу туһунан СӨ Тутуутун министиэристибэтэ иһитиннэрдэ.
«Дьокуускай куорат 16 кыбартаалыгар Петр Алексеев уулуссатыгар тутуллуохтаах 3 уонна 5-с нүөмэрдээх олорор дьиэлэр 73 дольщигар компенсация оҥоһуллуоҕа. Былырыын «Симиир» ХЭУо кытары дуогабардаспыт 147 киһиэхэ харчынан төлөбүр оҥоһуллубута. Маны таһынан, «Черов и К» (Г-3 уонна Г-4 блоктар) ХЭУо 47 дольщигар төлөбүр оҥоһуллуоҕа»,- диэн СӨ бырабыыталыстыбатын бастакы вице-премьера Кирилл Бычков иһитиннэрдэ.
Албыннаппыт дьоҥҥо төлөбүрү олорор дьиэни тутууга боломуочуйалаах «Банк ДОМ.РФ» төлүүр. Боруостааһын суумата дьиэ ырыынагар 1 кв миэтэрэ уопсай сыанатыгар олоҕуран төлөнөр.
edersaas.ru
Хаартыска: minstroy.sakha.gov.ru