Уопсастыба

Албыннаан дьиэ куортамҥа биэрээччи тутулунна

Ис дьыала министиэристибэтин пресс-сулууспата иһитиннэрбитинэн,  Тюмень уобалаһын 29 саастаах олохтооҕо дистанционнай түөкүннээһиҥҥэ тутулунна.

Ол курдук, эр киһи Тюмеҥҥэ олорон 2020 сыл ыам ыйыттан саҕалаан алтынньыга диэри Дьокуускай куоракка чааһынай дьиэлэри уонна коттеджтары куортамныыбын диэн биллэриини интэриниэккэ таһаарбыт. Биллэриинэн эрийэн тиийбит дьоҥҥо куортам харчытын эрдэттэн баан каартатыгар ыыталларын туһунан этэр эбит.

Билиҥҥи туругунан, туһааннаах дьыаланан  15 түбэлтэ бэлиэтэннэ. Саха сирин оперативниктары дьону албынаан дьиэни куортамҥа биэрээччи Тюмень олохтооҕун тутан, Дьокуускайга аҕаллылар. Хоромньу уопсай суумата 80 тыһыынча солкуобайынан ааҕыллар. Барыллааһын силиэстийэ кэмигэр эр киһи албыннаабыт харчытын барытын төннөрбүт.

РФ Холуобунай кодексын 159 ыстатыйатын 2 чааһынан «Түөкүннээһин» диэн холуобунай дьыала тэрилиннэ.

edersaas.ru

Хаартыска интэриниэттэн.

1
1
Telegram @edersaas20

Добавить комментарий