Алаһыайга, Витимҥэ, Өлүөхүмэҕэ уу таһыма үрдүү турар

Бөлөххө киир:

 Күүстээх ардах түһэн, Ленскэй, Өлүөхүмэ улуустарын аннынан Витим, Өлүөхүмэ, Өлүөнэ өрүстэригэр уу таһыма үрдээбитэ бэлиэтэннэ. Бу туһунан Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрэр.

Анивера АКИМОВА, «Саха сирэ» хаһыат, edersaas.ru

От ыйын 17 – 19 күннэригэр Ленскэй улууһугар уу таһыма 5,5 – 6,0 м, от ыйын 20 – 25 күннэригэр Өлүөхүмэҕэ 5,0 – 6,5 м, оттон ый бүтүүтэ киин улуустарга уу таһыма 4,5 – 5,0 м. үрдүүрэ сабаҕаланар. Ленскэй куорат аннынан суукка иһигэр уу 119 см эбиллэн, билигин 354 см тэҥнэстэ. Өлүөхүмэҕэ 267 см (суукка иһигэр 84 см эбиллибит).

Бүлүү, Дьааҥы, Индигир, Халыма улуустарыгар уу таһыма намтаан иһэрэ бэлиэтэнэр.

Алаһыайга балаһыанньа уустук. Орто Халыма улууһун дьаһалтатын дьуһуурунай-диспетчерскай сулууспата иһитиннэрбитинэн, Сыбаатайга уу таһыма 2 см эрэ түспүт. Билигин манна 750 см тиийэн турар. Манна ыксаллаах быһыы-майгы эрэсиимэ биллэриллибитэ. От ыйын 14 күнүнээҕи туругунан, 58 дьиэ тиэргэнэ ууга олорор.

Оттон Арҕахтаахха суукка иһигэр уу 2 см үрдээн, 892 см тиийдэ. Манна кутталлаах таһым 777 см. 44 тиэргэни, ол иһигэр 17 олорор дьиэни уу ылбыт.

Чугастааҕы күннэргэ Арҕахтаах – Андрюшкино учаастагынан Алаһыай уутун таһыма өссө үрдүүрүн билгэлииллэр.

[vc_text_separator title=»» i_icon_fontawesome=»fa fa-quote-left» color=»pink» add_icon=»true»]СӨ Ил Дарханын дьаһалынан Айылҕа харыстабылын миниистирэ Сахамин Афанасьев салайааччылаах оробуочай бөлөх от ыйын 17 күнүгэр Орто Халыма улууһугар баран, чөлүгэр түһэрии үлэтэ хайдах бара турарын көрүөхтэрэ, нэһилиэнньэҕэ көмө оҥоруохтара.

Хаартыска: Интэриниэттэн.

Анивера АКИМОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0