Сарсыарда эрдэ, быыбар саҕаланыан иннинэ, Дьокуускай куорат Сайсарытааҕы уокуругун 787 №-дээх быыбардыыр учаастагар суут уурааҕынан быыбартан туоратыллыбыт «За справедливость» баартыйа аата сорох бүлүтүөннэртэн сотуллубатаҕа бэлиэтэммитэ. Ол быыбардыыр учаастак хамыыһыйатын үлэһиттэрэ уонна уопсастыбаннай сэбиэттэртэн талыллыбыт мониторинг чилиэннэрэ көрөн турдахтарына, 8 чаас 15 мүнүүтэҕэ диэри, көннөрүллүбүтэ.
edersaas.ru
Бу туһунан Киин быыбардыыр хамыыһыйатын бэрэссэдээтэлин солбуйааччы Иван Андросов суруналыыстарга биэрбит пресс-конференциятыгар иһитиннэрдэ. Суруналыыс Виталий Обедин куорат 30 №-дээх орто оскуолатыгар тэриллибит быыбардыыр учаастак таһыгар волонтердар Ил Дархан биир хандьыдаатыгар куоластыырга ыҥырар тыллардаах былакааты тутан туралларын кэпсээбитигэр, быыбар күнүгэр аҕытаассыйалааһын сокуонунан бобулларын этэн туран, ону туоратарга дьаһайыах буолла.
Раиса Сибирякова, «Саха сирэ» edersaas.ru
+1
+1
+1
+1
+1
+1
+1