Дьокуускай куорат 3-с №-дээх балыыһатын эмчиттэрэ идэ куонкуруһун кыайыылааҕынан буоллулар.
Балыыһа консультациялыыр-диагностикалыыр отделениетын акушерката Ольга Неустроева «Ийэ -– үгэстэри харыстааччы» куонкуруска 1 миэстэни ылла.
Саха Өрөспүүбүлүкэтигэр Ийэ сылыгар аналлаах өрөспүүбүлүкэтээҕи куонкуруһу «СӨ орто сүһүөх мэдиссиинискэй үлэһиттэрин ассоциацията» эрэгийиэннээҕи тэрилтэ тэрийбит куонкуруһун сыалынан-соругунан дьиэ кэргэн үгэстэригэр сыһыан сыаннастарын илдьэ сылдьыы, чугас дьоҥҥо тапталы уонна ытыктабылы иитии, ийэлэр актыыбынастарын көҕүлээһин. Куонкурус «Ийэ уонна идэ», «Ийэ -– үгэстэри харыстааччы» уонна «Элбэх оҕолонуу дьоло» диэн үс номинациянан ыытылынна.
Онтон консультациялыыр-диагностикалыыр отделение акушерката Анна Никитина «Мин идэм -– акушерка» куонкуруска куорат мэдиссиинискэй тэрилтэлэрин акушеркаларын ортотугар 3 миэстэ буолла.
Куонкуруска 3 сылтан итэҕэ суох үлэлээбит ыстаастаах, орто анал үөрэхтээх акушеркалар кытыннылар.
Куонкуруну СӨ Доруобуйа харыстабылын министиэристибэтэ уонна «СӨ орто сүһүөх мэдиссиинискэй үлэһиттэрин ассоциацията» эрэгийиэннээҕи уопсастыбаннай тэрилтэ тэрийдилэр.
«Саха сирэ», edersaas.ru саайтка анаан ДЬокуускайдааҕы 3 №-дээх балыыһа пресс-сулууспата