Бу күннэргэ дойду бүттүүнүн үрдүнэн РФ Төрүт сокуонугар уларытыылары киллэриигэ нэһилиэнньэ куоластааһына бара турар. Пандемиянан сибээстээн, элбэх киһини биир кэмҥэ түмпэт сыалтан, куоластааһын эрдэ, бэс ыйын 25 күнүттэн саҕаламмыта.
Ньурба улууһун Акана нэһилиэгэр уопсайа 375 куоластааччы баар.
—Бүгүҥҥү күн бастакы аҥарын туругунан, 151 киһи куоластаата. 6 киһиттэн састааптаах 418 нүөмэрдээх хамыыһыйа үлэлиир. Бэрэссэдээтэл Татьяна Андреевна Обутова, сэкэритээр Ольга Ивановна Иванова. Медүлэһиттэр, кэтээн көрөөччүлэр бааллар. Санитарнай ирдэбил барыта тутуһуллар. Хас биирдии куоластааччыга мааска, бэрчээкки, уруучука бэриллэр. Дьон куоластыы кэлэ турар, — диэн иһитиннэрдэ биһиэхэ «Акана нэһилиэгэ» МТ баһылыгын солбуйааччыта Саргылаана Васильевна Васильева.
Татьяна МАРКОВА.
+1
+1
+1
+1
+1
+1
+1