Академиктар санааларын түмтүлэр

Бөлөххө киир:

Бу күннэргэ Саха сиригэр тэриллибит “Хоту” диэн научнай-үөрэтэр киин Арассыыйаҕа бастыҥнар кэккэлэригэр киирсэн, анал граны ылла. Саха сирин наукаларын академиятын салайааччыта Василий Филиппов бэлиэтииринэн, бу ситиһии биэс эрэгийиэн наукаларын академиятын, үрдүк үөрэхтэрин кыһаларын, экономика сүрүн хайысхаларын бэрэстэбиитэллэрин сыралаах үлэлэрин түмүгэ буолар.

“Биир сыл иһигэр үлэлэһэн биһиги кииммит тула биэс эрэгийиэни түмпүппүт. Ол курдук, Саха сирин таһынан манна Магадан, Камчатка, Сахалин уонна Чукотка кыттыыны ылаллар. Мин санаабар, бу маннык үлэлэһии хайа да өттүнэн көдьүүстээх уонна түмүктээх. Бырайыакпыт сыала диэн экономиканы сайыннарыыга наука академияларын, үрдүк үөрэх кыһаларын бииргэ түмүү буолар”, – диэн бэлиэтиир Василий Филиппов.

Санатан эттэххэ, “Хоту” научнай-үөрэтэр кииҥҥэ барыта түөрт кластер үлэлиир. Бастакытынан, сир үрүт өттүн сөптөөхтүк туһаныыны сайыннарар кластер. Иккиһинэн, биотехнология, медицина хайысхатынан үлэлиир сектор. Үсүһүнэн, хоту дойду инфраструктуратын сайыннарыынан дьарыктанар хайысха, төрдүһүнэн, нэһилиэнньэ чөл туруктаах буолуутун көрөр кластер. Манна төрөөбүт төрүт тылы үөрэтии эмиэ киирсэр.

Аграфена КУЗЬМИНА, “Саха сирэ” хаһыат.

Хаартыска СИА ылылынна

+1
0
+1
0
+1
0
+1
0
+1
0
+1
0
+1
0