Академик Вадим Покровскай: «Уопсастыбыннай тырааныспарга мааска ирдэнэр»
Арассыыйа наукаларын академиятын академига, Роспотребнадзор эпидемиология салаатын сэбиэдиссэйэ Вадим Покровскай «Спутник» араадьыйаҕа биэрбит интервьютугар уопсастыбыннай тырааныспарга хайдах дьаҥтан харыстанар туһунан сүбэлэри биэрдэ.
edersaas.ru
Сүрүн харыстанар ньыма, кини этэринэн, уларыйбат. Ол оптуобус иһигэр киириэх иннинэ маасканы уонна бэрчээккэни кэтэр булгуччулаах. “Дьонтон тэйиччи тура сатыах тустааххыт уонна тыраанспар салгылатар түннүктэрэ аһаҕас буолаллара ордук,” — диир академик. Дьиэҕэ киирэн баран тута илиини, сирэйи мыылалаан суунар туһунан санатта. Чугас сирдэргэ сатыы сылдьар ордугун бэлиэтээтэ.
Москваҕа алтынньы 6 күнүттэн кыра оҕолорго уонна 65 саастарын ааспыт дьоҥҥо эпидемиологическай быһыы-майгы сытыырхайбытынан сибээстээн, чэпчэтиллибит сыаналаах билиэттэр атыыламмат буолбуттара. Бу миэрэ оскуола үөрэнээччилэригэр күһүҥҥү сынньалаҥ бүтүөр диэри, алтынньы 18 күнүгэр диэри, оттон саастаах дьоҥҥо алтынньы 28 күнүгэр диэри үлэлиир.
Егор Карпов, «Саха сирэ» хаһыат, edersaas.ru