Кытыйа, хамыйах маастара Николай Романович Дьячковскай Чурапчыттан кэлэн «Айыы кыһата»гимназия оҕолоругар икки күн устата хамыйах, кытыйа оҥоруутугар маастар-кылаас ыытта.
Тэрээһини уолаттарга сатабылы үөрэтэр учуутал Виталий Архипович Слепцов уонна уһаммыт уолаттар кылаастарын салайааччылара көҕүлээн тэрийдилэр.
Улаатан эрэр уолаттар кытыйа, хамыйах оҥорорго, маһы хаһан, аалан уһаныы албастарыгар үөрэннилэр.
Уолаттар ыксаабакка иһийэн олорон маһы кытары илиилэрин иминэн өйдөһөргө, ыксаатахха маһы тэһиэххэ, хайытыахха сөбүн өйдөөтүлэр.
Чүүччүнэн хайдах туттары биллилэр. Икки күн устатата дьаныардаахтык үлэлээн, сыалы ситиһэри өйдөөтүлэр.
Уолаттар өбүгэ үгэһигэр кыттыһар дьоллоох түгэни бэлэхтээбит Николай Романовичка махтаннылар, уһаммыттарын туһунан бэйэлэрин санааларын эттилэр. Оҕолор бэйэлэрэ уһаммыт оҥоһуктарын илдьэ үөрэ-көтө дьиэлээтилэр.