Ыам ыйын 19 күнэ – дойду үрдүнэн Пионерия күнэ. Бу кэрэ-бэлиэ күнү көрсө, Кэбээйи улууһун киинигэр “Зеленые пионеры” Бүтүн Арассыыйатааҕы хамсааһын кэккэтигэр үөрэнээччилэри ыллылар.
Кэбээйитээҕи айылҕа харыстабылын иниспиэксийэтэ иһитиннэрбитинэн, тулалыыр эйгэни харыстааһын үлэтигэр көхтөөхтүк кыттар уон оҕоҕо хаалтыс баайбыттар. Сангаар гимназиятын пионердара айылҕаны кытта ситими быспакка көрө-истэ сылдьыах, уопсастыбаннай хамсааһыннарга кыттыах буолбуттар.
Пионердар маһы олордууга, субуотунньуктарга, экологическай халандаарынан ыытыллар тэрээһиннэргэ, араас аахсыйаларга кытталларын, көтөрү-сүүрэри аһатарга көмөлөһөллөрүн иниспиэктэрдэр бэлиэтииллэр. Маннык оҕолор өбүгэлэрин үтүө үгэстэрин билэ-көрө, ытыктыы, төрөөбүт дойдуларыгар бэриниилээх дьон буола улааталларын этэллэр.
+1
+1
+1
+1
+1
+1
+1