Быйыл ханна даҕаны хаар олус халыҥ буолан, айылҕа көҥүл кыыллара барахсаттар дьонноох сиргэ ыырданан, кэбиһиилээх окко киирэн уһун кыһыны туораатылар.
edersaas.ru
Бэҕэһээ, муус устар 10 күнүгэр, Мэҥэ Хаҥалас улууһугар айылҕа харыстабылын судаарыстыбаннай иниспиэктэрдэрэ: экологияны кэтээн көрүү исписэлииһэ Ф.Г.Охлопков, Биологическай ресурсалар дирекцияларын, айылҕа пааркатын исписэлиистэрэ В.В.Марков, А.Н.Тастыгин Аллараа Бэстээх бөһүөлэгэр Тимир суол техникумун тимир олбуоругар хаайтарбыт туртаһы босхолоотулар.
Олбуорга хаайтаран, халыҥ хаарга батыллан ыга куттаммыт уонна сэниэтэ эстибит айылҕа оҕотун көрөн-истэн бараннар, туртас чэгиэнин быһаардылар. Массыынаҕа тиэйэн, бөһүөлэктэн биир көс ыраах тыаҕа таһааран ыыттылар. Бу туһунан Экология, айылҕаны туһаныы уонна ойуур хаһаайыстыбатын министиэристибэтэ киэн тутта иһитиннэрэр.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1