АйТи исписэлиистэргэ бэриллэр ипотека усулуобуйата уларыйда

Ааптар: 
Бөлөххө киир:

Тас дойдулар Арассыыйаҕа сааҥсыйа биллэриэхтэриттэн, Арассыыйа АйТи эйгэҕэ бэйэтин исписэлиистэрин үүннэрэн таһаарыыга улахан болҕомтону уурар, исписэлиистэри өйүүр буолла. Олортон биирдэстэринэн — чэпчэтиилээх ипотека.  

 

Объясняем.РФ суруйарынан, АйТи хампаанньалар исписэлиистэригэр көрүллэр ипотека кирэдьиитин муҥутуур суумата эбиллибит. Ол курдук, 1 мөл. тахса нэһилиэнньэлээх эрэгийиэннэргэ 18 мөлүйүөнтэн 30 мөл. солк., онтон атын эрэгийиэннэргэ 9 мөлүйүөнтэн 15 мөл. солк. диэри буолбут.

Маныаха судаарыстыбаттан субсидияланар суума биир таһымҥа хаалбыт — туһааннааҕынан 18 мөл. уонна 9 мөл. солк. Кирэдьиит суумата бу боруоктан үрдүүр түгэнигэр ырыынак ыстаапкатынан бэриллэр.

Ону тэҥэ, АйТи исписэлиис хамнаһыгар ирдэбили уларытан биэрбиттэр. Чэпчэтиилээх ипотеканы туһанар туһугар мөлүйүөн нэһилиэнньэлээх куоракка олорор исписэлиистэр ыйга 150 тыһ. солк. тахса, онтон атын нэһилэнньэлээх пууннарга олорооччулар 100 тыһ. солк. тахса хамнаһы аахсар буолуохтаахтар.

Чэпчэтиилээх ипотеканан 22-45 саастаах аккредитацияны ааспыт АйТи хампаанньаларга үлэлиир дьон туһанар кыахтаахтар, сыллааҕыта 5 % тэҥнэһэр.

edersaas.ru

+1
0
+1
0
+1
0
+1
0
+1
0
+1
0
+1
0