АйТи хампаанньа үлэһиттэрэ чэпчэтиилээх ипотеканан туһаныахтара уонна аармыйаҕа ыҥырыллар болдьохторо уһуоҕа
АйТи салаатын сайыннарар, информационнай инфраструктура тохтоло суох үлэлиирин уонна каадыр кыаҕын оннунан хаалларар инниттэн кэккэ миэрэлэр ылылыннылар диэн премьер-министр Михаил Мишустин иһитиннэрдэ. Бэрэсидьиэн туһааннаах ыйаахха илии баттаата диэн мунньах кэмигэр эттэ.
— билигин АйТи салааларыгар көрүллэр нолуокка чэпчэтиилэр, төлөпүөн сыһыарыытын оҥорооччуларга эмиэ тарҕаныахтара
— бары АйТи хампаанньалар үс сылга барыс нолуогун төлүүртэн уонна хонтуруоллуур уорганнар бэрэбиэркэлэриттэн босхолонуохтара
— АйТи хампаанньалар үлэлэрин салгыылларыгар табыгастаах усулуобуйаҕа кирэдьиит ылыахтарын сөп, саҥа бырайыактарга 3 бырыһыантан үрдүгэ суох ыстаапканан
— Хампаанньа үлэһиттэрэ чэпчэтиилээх ипотеканан туһанар кыахтаахтар
— Арассыыйа АйТи хампаанньаларыгар үлэлиир кэмнэригэр исписэлиистэр байыаннай сулууспаҕа ыҥырыллыыларын болдьоҕо 27 саастарын туолуохтарыгар диэри уһуоҕа
— олохтоох быһаарыыны тэрийиигэ көрүллэр граннар бырагыраамалара кэҥиэҕэ.
Ити туһунан РГ сайт суруйар.
Хаартыска: СИА