Саха сирин Ил Дархана Айсен Николаев атырдьах ыйын 17 күнүгэр эрэгийиэҥҥэ коронавирус туругун туһунан брифини ыытта.
edersaas.ru
— Аааспыт күҥҥэ Саха сиригэр өссө 49 киһи коронаируска эбии сутулунна. Интэн 29 киһи киин куорат олохтооҕо. Биэс киһи Мииринэй улууһугар ыалдьыбыт, Хаҥалас, Нерюнгри, Алдан улуустарыгар үстүү киһи сутуллубута билиннэ. Атын улуустарга биирдиилээн ыалдьыбыт дьон көһүннэ. Дьокуускайга ыарыы тарҕанар тэтимэ улам кыччаан иһэрэ көстөр — бэҕэһээҥҥи көрдөрүү от ыйын 5 күнүттэн саамай намыһах ахсааннаах. Ол оннугар, хомойуох иһин, ыраах сытар, уустук суоллаах бөһүөлэктэргэ ыарыы тиийбит быһыылаах. Ол курдук, Бүлүү бөлөх улуустарыгар, Өлөөн улууһун кыра нэһилиэктэригэр коронавирус ыарыыга уорбаланар дьон көһүннэ. Билигин анаалыс ылыыта, хантаактарын эндэтии үлэтэ бара турар. Сыбаайбаҕа, үбүлүөйгэ, бохоруонаҕа түмсүү түмүгэр сутуллууга уорбаланааччылар баар буоллулар. Ити билигин даҕаны олохтоох салалта сорох өттүлэрэ балаһыанньа кытаанаҕаын ситэ өйдөөбөттөрүн көрдөрөр. Өссө даҕаны өйдөтөр сүбэ мунньахтары ыыта туруохпут.
Билигин саҥа үөрэх дьылыгар бэлэмнэнии үлэтэ барар. Оҕо уһуйааннарыттан үрдүк үөрэх кыһатыгар тиийэ оҕолор, ыччат куттала суох эйгэҕэ тиийиэхтээхтэр, ол туһугар үлэлиибит. Дьокуускайга итини ситиһэр сыалтан араас ньымалары туһаныахпыт. Ол ньымалары үөрэх саҕаланыан иннинэ бары үөрэнээччилэргэ, төрөппүттэргэ, учууталларга тиэрдиэх тустаахпыт.
Өрөспүүбүлүкэ үрдүнэн 37 ыарахан туруктаах киһи, 7 киһи ИВЛ-аппараатыгар холбонон сытар. Билигин доруобуйа харыстабылын үлэһиттэрэ ыалдьыбыт дьон ыарахан турукка тиийбэккэ, эрдэ эмтэнэллэрин туһугар үлэлииллэр.
Егор Карпов, «Саха сирэ» хаһыат, edersaas.ru