Айсен Николаев “Жатайдааҕы судоверфь” бырайыагынан сүбэ мунньах ыытта

Ааптар: 
Бөлөххө киир:

“Дойду үрдүнэн олоххо киирэр судоверфьтары тутуу икки бырайыагыттан биирдэстэрэ”, — диэн киирии тылыгар эрэгийиэн баһылыга бэлиэтээтэ.

edersaas.ru

Маны тутуу ыгым болдьоххо ыытыллар. Айсен Николаев бүгүн бырайыагы уонна сир учаастактарын кытта сибээстээх боппуруостар баалларын иһитиннэрдэ.

“Бу барыта дойдуга суудунаны тутуу эбийиэгин үлэҕэ киллэриини атахтыан сөп. Онон манан сыһыаннаах министиэристибэлэри, биэдэмистибэлэри уонна тэрилтэлэри кыһалҕалаах боппуруостарга быһаарыы ылыналларын курдук этиилэрин истиэхтээхпит”, — диэтэ Айсен Сергеевич.  

Бу Жатайдааҕы үрдүк технологиялаах эбийиэги тутуу «Развитие судостроения и морской техники для освоения шельфовых месторождений» РФ Судаарыстыбаннай бырагырааматын чэрчитинэн ыытыллар.  Бу бырайыак бастакы түһүмэҕэр 5 млрд. 750 мөл. солкуобай көрүллүбүтэ, ол иһигэр федеральнай бүддьүөттэн — 4 млрд. 100 мөл солкуобай уонна өрөспүүбүлүкэ суотуттан — 750 мөл. солкуобай. Бастакы түһүмэҕи 2021 сылга түмүктүөхтээхтэр.

Мунньахха бырайыак хайдах олоххо киирэрин туһунан СӨ тырааныспарка уонна суол хаһаайыстыбатыгар миниистирэ Владимир Сивцев иһитиннэрии оҥордо. Кыһалҕалаах боппуруостары “Жатайдааҕы судоверфь” АУо дириэктэрин э.т. Петр Накула, “ЛОРП” генеральнай дириэктэрин бастакы солбуйааччы Сергей Емельянов, Саха сирин сайдыытын корпорациятын генеральнай дириэктэрэ Афанасий Саввин уонна СӨ Бырабыыталыстыбатын Бэрэссэдээтэлин бастакы солбуйааччы Алексей Колодезников таарыйдылар.

Ил Дархан ааспыт нэдиэлэҕэ Алексей Колодезников ыыппыт мунньаҕын быһаарыытын биһирээтэ. Онно олоҕуран, Өлүөнэтээҕи пароходство  Жатайдааҕы судоверфькэ сир учаастактарын уонна СЛИП тутууларын уһун болдьохтоох арыандаҕа биэриэҕэ. Маны сэргэ өрөспүүбүлүкэ баһылыга бырабыыталыстыба уонна Минпромторг тиийбэт үбү быһааралларыгар соруйда.

Мунньаҕы түмүктүүрүгэр Ил Дархан  Айсен Николаев  СӨ Бырабыыталыстыбатын Бэрэссэдээтэлин э.т. Андрей Тарасенкоҕа бу тутууну тус хонтуруолугар ыларыгар эттэ.

“Бырайыак олоххо киириэхтээх. Онон ыйыллыбыт болдьоҕор тутуллан бүтүөхтээх”, — диэн бэлиэтээтэ Айсен Николаев. Маны таһынан  каадыры үлэҕэ тардыыга уонна социальнай инфраструктураны умнубаттарыгар сүбэлээтэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни СТРЮКОВА.

Хаартыска: саайтан

+1
0
+1
0
+1
0
+1
0
+1
0
+1
0
+1
0