Бэлиитикэ Сүрүн

Айсен Николаев Владивостокка үүнээйи олордуутугар кытынна

Илиҥҥи экономическэй форум кэмигэр араас таһымнаах акциялар буола тураллар. Олортон биирдэстэринэн сэдэх үүнээйилэр сквердэрин тэрийии буолар. Манна Саха сирин Ил Дархана Айсен Николаев кыттыыны ылла.

Саҥа искибиэр Аякс бухта биэрэгэр арылынна. Манна Уһук Илин эрэгийиэннэригэр урут үүнэ сылдьыбыт эбэтэр сэдэхтик үүнэр мастары, сибэккилэри олордоллор. Үүнээйилэри барытын Арассыыйа академиятын наукатын Уһук Илиннээҕи отделениета көрөр-истэр. Үнүгэстэри Ботаническай саадтан аҕалан олортулар. Ил Дархан Айсен Николаев магнолия сибэккини олорто. Магнолия – сааскы маҥнайгы сибэкки уобараһын кытары сибээстээх. Бу сибэкки аан бастаан Азия дойдуларынан үүммүтэ биллэр.

Сэдэх сибэккилээх, мастаах искибиэр бастакы уочарата быйыл олордуллан бүтүөҕэ, эһиил паарка өссө кэҥээн барыта 1000 кэриҥэ от-мас баар буолуоҕа.

Аграфена КУЗЬМИНА

1
0