Айылҕа харыстабыла Сүрүн

Айсен Николаев: «Владимир Путин, Юрий Трутнев быһаччы көмөлөрүнэн, кэлэр сылга өрөспүүбүлүкэбитигэр ойуур баһаарын умуруорууга сөптөөх үп көрүлүннэ»

Бүгүн, сэтинньи 18 күнүгэр, Ил Дархан Айсен Николаев РФ Бырабыыталыстыбатын Бэрэссэдээтэлин солбуйааччы, РФ Бэрэсидьиэнин Уһук Илин уокуругар боломуочуйалаах бэрэстэбиилэ Юрий Трутневы кытта быйыл сайын ойуур баһаарыттан эмсэҕэлээбит Горнай улууһун Бэс Күөлүгэр сылдьан, саҥа тутуллубут дьиэлэр хаачыстыбаларын көрдө-иһиттэ.

Ойуур баһаарыгар кэлэр сылга бэлэмнэниигэ туох үлэ ыытыллан эрэрий диэн Айсен Николаев маннык хоруйдаата:

— Кэлэр сыл куйаас уонна кураан сайын буолара күүтүллэр. Ойуур баһаарын умуруорууга бэлэмнэнии үлэтэ саҕаланна диир кыахтаахпыт. Үп өттө быһаарылынна. РФ Бэрэсидьиэнэ Владимир Путин уонна РФ Бырабыыталыстыбатын Бэрэссэдээтэлин солбуйааччы, РФ Бэрэсидьиэнин Уһук Илин уокуругар боломуочуйалаах бэрэстэбиилэ Юрий Трутнев быһаччы көмөлөрүнэн, кэлэр сылга өрөспүүбүлүкэбитигэр ойуур баһаарын умуруорууга сөптөөх үп көрүлүннэ. Онон кэлэр сылга ойуур баһаарын умуруоруу үлэлэрин тэрийиигэ, туһаныллар тиэхиньикэлэринэн толору хааччыйарга бары өттүнэн үп баар буолар.

Александр Тарасов.

0
0