Айсен Николаев ууга барбыт Дьааҥыга тиийэн балаһыанньаны билистэ
14.07.2022
Ил Дархан бүгүн от ыйын 14 күнүгэр Дьааҥы өрүскэ уу таһымын билистэ, улахан уу аҕалбыт хоромньутун илэ хараҕынан көрдө. Кини Верхоянскайга уонна Боронукка сылдьан дьону-сэргэни кытта көрүстэ, суһал дьаһаллары мунньахха сорудахтаата.
Айсен Николаев телеграмм каналыгар суруйарынан, нэһилиэнньэттэн материальнай көмө уонна тутуу үлэтин туһунан ыйытыктар киирэллэр. Маны таһынан, суол тутуутугар, ОДЬКХ уонна тыа хаһаайыстыбатыгар туһааннаах боппуруос элбэх.
Ил Дархан эрэннэрбитинэн, хас биирдии халаантан эмсэҕэлээбит киһиэхэ хайаан да көмө оҥоһуллуоҕа. Кырдьаҕастарга, элбэх оҕолоох ыалларга, инбэлииттэргэ ордук болҕомто ууруллуоҕа. Хоромньуну туоратыы үлэтэ халлаан тымныйа илигинэ барыта бүтүөхтээх.
Edersaas.ru
+1
+1
+1
+1
+1
+1
+1