Айсен Николаев уонна Вячеслав Штыров өрөспүүбүлүкэҕэ хайа бырамыысыланнаһын сайыннарыы боппуруостарын дьүүллэстилэр
СӨ Ил Дархана Айсен Николаев Вячеслав Штырову кытта өрөспүүбүлүкэҕэ хайа бырамыысыланнаһын сайыннарыы боппуруостарын дьүүллэстилэр.
СӨ Ил Дархана Айсен Николаев Москваҕа СӨ судаарыстыбаннай сүбэһитин Вячеслав Штырову кытта көрүстэ. Дьыалабыай кэпсэтиигэ өрөспүүбүлүкэ сиригэр-уотугар хайа бырамыысыланнаһын сайыннарыыны кытары сибээстээх суолталаах боппуруостар дьүүллэһилиннилэр.
Өрүттэр сиргэ-уокка, ол иһигэр Ленскэй оройуонугар, бырамыысыланнай комплекстары сайыннарыы туһунан ырыттылар. Кэпсэтии үлэҕэ саҥа тиэхиньикэни туһаныыга, сэдэх металлары хостооһуҥҥа уонна Саха сирин арҕаа өттүгэр кэскиллээх эбийиэктэргэ ананна.
Айсен Николаев уонна Вячеслав Штыров улахан болҕомтолорун Күчүскэ баазатыгар Усуйаана кластерын тэрийиигэ уурдулар. Бу бырамыысыланнас сайдыытыгар кэскиллээх сир. Өрүттэр этэллэринэн, АЭС тутуллара учуоттанарынан уонна хорҕолдьуну хостооһуну сөргүтүүнэн, сири-уоту туһаҕа таһаарар үлэни ыытыахха сөп.
Бу бырайыагы олоххо киллэриигэ, энергетическэй инфраструктура сайдыыта сабаҕаланар, ону сэргэ, тырааныспар инфраструктуратын олохтооһун, ол иһигэр тохтоло суох Дьааҥы өрүһүнэн суудунанан сылдьыыны хааччыйыы уонна Аллараа Дьааҥыга өрүс пуордун үлэтин өйөөһүн.
Өрөспүүбүлүкэҕэ сир баайдаах Күчүстээҕи кластеры оҥоруу кэлимсэ былаана 2035 сылга диэри Хотугу муоранан сырыыны сайыннарыы былааныгар киирэр.
СӨ Ил Дархана судаарыстыбаннай сүбэһит бөдөҥ инвестбырайыактары олоххо киллэриигэ, ол иһигэр Ленскэй уонна Усуйаана оройуоннарыгар, эдэр каадырдары үлэҕэ тардыы туһунан этиитин өйүүрүн биллэрдэ.
+1
+1
+1
+1
+1
+1
+1