Айсен Николаев Уһук Илин эрэгийиэннэрин баһылыктарын медиарейтинигэр инники күөҥҥэ сылдьар

Ааптар: Эдэр Саас

Бөлөххө киир:

«Медиалогия» хампаанньа 2021 сыл сэтинньитин түмүгүнэн губернатордар медиарейтиннэрин таһаарда. Уһук Илиҥҥи федеральнай уокурукка лиидэрдэринэн Саха сирин баһылыга Айсен Николаев, Амур уобалаһын губернатора Василий Орлов уонна Камчатка кыраайын губернатора Владимир Солодов буоллулар.

Сэтинньи 7 күнүгэр Ил Дархан Айсен Николаев уһун өрөбүллэри уһаппатын туһунан социальнай ситимнэргэ быһа эпиирин кэмигэр иһитиннэрбитэ. Итиэннэ Ил Дархан сэтинньигэ Дьокуускай куорат маастар-былааныгар бүтүн Арассыыйатааҕы аһаҕас күрэһи биллэрбитэ. Куонкурус ДОМ.РФ кытта тэриллэр.

Саха сиригэр оробуочай сырыынан Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев кэлэн, Ил Дарханы кытта Бэс Күөлүгэр сылдьан саҥа тутуулар хаачыстыбаларын бэрэбиэркэлээбиттэрэ.

Өрөспүүбүлүкэ баһылыга Айсен Николаев Мииринэй оройуонун Айхал бөһүөлэгэ тэриллибитэ 60 сылынан олохтоохтору эҕэрдэлээбитэ.

Уһук Илин эрэгийиэннэрэ:

Рейтиҥҥэ миэстэтэ	Ый иһигэр уларыйыыта	Баһылыктар	Эрэгийиэн	Иһитиннэрии ахсаана	МедиаИндекс
1	0	НИКОЛАЕВ Айсен Сергеевич	Саха Өрөспүүбүлүкэтэ	9 039	39 998,1
2	0	ОРЛОВ Василий Александрович	Амур уобалаһа	4 358	33 143,1
3	+2	СОЛОДОВ Владимир Викторович	Камчатка кыраайа	4 762	27 393,8
4	+2	КОЖЕМЯКО Олег Николаевич	Приморскай кыраай	4 104	24 262,5
5	-2	ДЕГТЯРЕВ Михаил Владимирович	Хабаровскай кыраай	3 527	21 904,7
6	-2	ЛИМАРЕНКО Валерий Игоревич	Сахалин уобалаһа	2 956	21 262,3
7	0	ЦЫДЕНОВ Алексей Самбуевич	Бурятия	2 810	13 171,1
8	0	ОСИПОВ Александр Михайлович	Забайкальскай кыраай	2 146	8 395,2
9	+1	НОСОВ Сергей Константинович	Магадан уобалаһа	1 210	5 192,0
10	-1	КОПИН Роман Валентинович	Чукоткатааҕы АУо	852	3 193,0
11	0	ГОЛЬДШТЕЙН Ростислав Эрнстович	Еврейскай АУо.	1 464	3 177,0

«Медиалогия» – буола турар кэмҥэ СМИ-ни уонна социальнай медианы анаалыстыыр тутулуга суох чинчийэр хампаанньа.

СИА.

Андрей Сорокин хаартыската.