Айсен Николаев: «Тыа баһаардарын утары үлэ күүһүрүөҕэ»

Бөлөххө киир:

Бу туһунан бэҕэһээ, ахсынньы 22 күнүгэр, Ил Дархан Айсен Николаев эрэдээктэрдэри кытта көрсүһүү кэмигэр иһитиннэрдэ.

— Күн-дьыл уларыйан, ааспыт сайын хоту уонна хотугулуу-илин элбэх тыа умайда. Баһаар барбыт иэнэ урукку сыллартан алта төгүл улаатта. Бүддьүөттэн уопсайа 800 мөлүйөүн солкуобай көрүллүбүтэ. Бырабыыталыстыбаҕа 2021 сылга хоту улуустарга тыа баһаарын утары охсуһар үлэһиттэр ахсааннарын элбэтэргэ сорудахтаатым.

Дьааҥы улууһун Баатаҕай бөһүөлэгэр «Авиалесоохрана» 40 үлэһиттээх салаатын тэрийэри былаанныыбыт. Маны таһынан, “Якутлесресурс” тэрилтэ дьонун ахсаанын элбэтэргэ үлэлэһиэхпит.

Дойду үрдүнэн элбэх ойуурдааҕынан Саха сирэ уонна Красноярскай кыраай буолаллар. Федеральнай бүддьүөттэн баһаары утары охсуһууга биир гектарга олус кыра үп көрүллэр. Онон биһиги сүрүн сорукпут — дойду Бырабыытылыстыбатын кытта ыкса үлэлэһэн, үбүлээһини үрдэтии буолар.

Родион Кривогорницын, «Cаха сирэ» хаһыат, edersaas.ru

Хаартыска — СИА.

+1
0
+1
0
+1
0
+1
0
+1
0
+1
0
+1
0