Убаастабыллаах тимир суол тырааныспарын үлэһиттэрэ!
Саха сирин салалтатын уонна тус бэйэм ааппыттан тимир суол тырааныспарын үлэһиттэрин идэлээх күҥҥүтүнэн итиитик-истиҥник эҕэрдэлиибин!
«Саха сирин тимир суоллара» АУо-ҕа сүнньүнэн 1300-тэн тахса киһи үлэлиир — машинистар, проводниктар, диспетчердэр… Кинилэр тимир суолун сүрүн магистралыгар үлэ тохтоло суох барарын уонна, саамай сүрүнэ, пассажирдар этэҥҥэ айанныылларын хааччыйаллар. Соторутааҕыга диэри тимир ыллыгынан өрөспүүбүлүкэ киин өттүгэр таһаҕас тиэллэр эрэ буоллаҕына, билигин Саха сирин олохтоохторо уонна ыалдьыттар Аллараа Бэстээххэ диэри пуойаһынан кэлэр кыахтаннылар.
Беркакит — Томмот — Дьокуускай тимир суол лииньийэтинэн сылын аайы пассажирдары уонна таһаҕаһы тиэйии кээмэйэ улаата турара махталлаах дьыала. 2021 сылга барыта 7,5 мөл туонна таһаҕас тиэллибит, бу 2020 сыллааҕыттан 26 %-нан элбэх. Ааспыт сылга барыта 163,9 тыһ. пассажир пуойас өҥөтүн туһаммыт. Ити этиллибит сыыппаралар Саха сиригэр бырамыысыланнаһы сайыннарыыттан, чуолаан саҥа сир баайдаах сирдэри туһаҕа таһаарыыттан уонна инфраструктура бырайыактарын олоххо киллэрииттэн элбии туруохтара. «Саха сирин тимир суоллара» хампаанньа стратегическай былааннарын быһыытынан сотору сылга 10 мөл туоннаттан тахса таһаҕаһы тиэйэри ситиһиэхтэрэ. Маны ситиһэргэ бары турунан үлэлии сылдьабыт. Саха сирин тимир суолун тырааныспарын үлэһиттэрэ Арассыыйа дьиҥнээх патриоттара. Саха сириттэн гуманитарнай көмөнү Донецкай норуодунай уонна Луганскай норуодунай өрөспүүбүлүкэлэргэ тиэрдиигэ кыттан, улахан үлэни толорбуттарыгар ис сүрэхпититтэн бары махтанабыт!
Күндү доҕоттор!
Өссө төгүл бу идэлээх бырааһынньыккытынан итиитик-истиҥник эҕэрдэлиибин! Барыгытыгар уонна дьиэ кэргэҥҥитигэр доруобуйаны, дьолу-соргуну, үлэҕитигэр ситиһиилэри баҕарабын!
А.С.Николаев, СӨ Ил Дархана.