Айсен Николаев: «Тастан киирэр солбук кыһалҕата биир сылынан быһаарыллыаҕа»
Айсен Николаев сир баайын хостуур тэрилтэлэрэ бу эйгэҕэ туһаныллар тэриллэри уонна саппаас чаастары биир сыл иһигэр атынынан солбуйуохха сөбүн иһитиннэрдэ. Бу туһунан кини ТАСС интервьютугар эттэ.
Сир баайын хостуур тэрилтэлэр үлэлэрин уларытыах тустаахтар – саҥа хостуур тэрили уонна онуоха сөптөөх сапчаастары атыылыыр атын дьону булан, туспа ырыынактарга тахсан. Европаттан атыылаһыллыбыт тэриллэри Кытай оҥоһуутунан, саппаас чааһынан солбуйуохха сөп. Итини ситиһэр син уһун болдьоҕу эрэйэр. Саҥа сибээс олохтуурга, дуогабар түһэрсэргэ эҥин кэм кэрдии баранар. Сааҥсыйа содулун үмүрүтэргэ тиэтэлинэн инники күөҥҥэ ити боппуруос быһаарыллыахтаах. Ил Дархан этэринэн, ити солбук кыһалҕата быйыл сыл бүтүөр диэри син оннун булуоҕа.
«Биһигини кытта атааннаһар дойдулары кытта эргиэммит 35% ылар. Онон таска атыыбытын атын ырыынактарга көһөрөн биэриэхпит”, — диэн этэр Айсен Николаев.
«Саха сирэ» хаһыат, edersaas.ru
Хаартыска sakha.gov.ru