Доруобуйа Сүрүн

Айсен Николаев суһал ыстаап мунньаҕын ыытта

Бүгүн Ил Дархан Айсен Николаев өрөспүүбүлүкэтээҕи суһал ыстаап мунньаҕын ыытта.

Бу күннэргэ коронавируһунан ыалдьыы балаһыанньата сытыырхайда. Бүтэһик түөрт күҥҥэ ыалдьыбыт дьон 80% Дьокуускайга тиксэр.  Маны таһынан Мэҥэ Хаҥаласка, Хаҥаласка, Алдаҥҥа, Уус Алдаҥҥа уонна  Чурапчыга быһыы-майгы кытаатта,— диэн Айсен Сергеевич телеграмҥа суруйда.

62 ыарыһах  реанимацияҕа сытар. Мантан 10 киһи туруга ыарахан. Бу бары вакцината суох дьон.

— Билигин үгүс ыалдьыбыт дьон дьаҥы арыый чэпчэкитик аһарыналлар эрээри, саҥа штамм салгыы хайдах буолара биллибэт. Балыыһаҕа ордук хат дьахталлар уонна  кырдьаҕас дьон киириилэрэ элбээтэ. Нэдиэлэ саҕаланыытыттан кыра оҕолор ыалдьаллара элбээтэ.  Ыалдьыбыт дьон  28% оҕолор ылаллар, — диэн Ил Дархан эбэн эттэ.

Оройуон баһылыктарыгар вакцинация тэтимин ыһыктыбакка ыыталларыгар  этилиннэ.  Бүгүҥҥү туругунан алта оройуон вакцинацияҕа  70% кирбиигэ тиийэ илик.

Маны таһынан  Горнай улууһугар оҕо  туохтан өлбүтүн суһаллык  быһаарарга өрөспүүбүлүкэ баһылыга сорудахтаата. «Маннык түбэлтэ олох хатыланыа суохтаах«, — диэн Айсен Сергеевич тоһоҕолоон бэлиэтээтэ.

 

edersaas.ru

0
0
Telegram @edersaas20