Убаастабыллаах чох бырамыысыланнаһын үлэһиттэрэ уонна бэтэрээннэрэ!
Шахтер күнүнэн СӨ салалтатын уонна тус бэйэм ааппыттан ис сүрэхпиттэн эҕэрдэлиибин! Шахтер идэтэ урут даҕаны, билигин даҕаны саамай уустук, ыарахан уонна кутталлаах үлэнэн билиниллэр. Хас биирдии шахтер кыһамньылаах үлэтэ хас биирдиибитигэр сылааһы биэрэр, бырамыысыланнас сайдарыгар уонна Хоту кыраай экэниэмикэтэ бигэ туруктанарыгар улахан төһүү күүһүнэн буолаллар.
Саха сирэ таас чоҕу Азиатскай-тихоокеанскай дойдуларга тиэрдэр, кэлиҥҥи кэмҥэ бу салаа лаппа сайынна. Ол курдук, Нерюнгри оройуонугар «Инаглинскайдааҕы» уонна «Денисовскайдааҕы» хайа-быйатар кэмбинээттэр кыамталара улаатта. «Илиҥҥи Денисовскайдааҕы» шахта иккис уочарата үлэлиирэ ситиһилиннэ. Төһө да экэнэмиичэскэй сааҥсыйалар бүрүүкээбиттэрин үрдүнэн Саха сирэ туруоруммут сыалын-соругун толорор. Ааспыт сыллааҕы түмүгүнэн, 31,1 мөл туонна таас чох хостонуллубут. Бу 2020 сыллааҕы көрдөрүүттэн 54,7 % -нан улахан. Бу кирбиини «Эльгауголь», «Колмар», «Якутуголь» уонна дьоҕус хампаанньалар көмөлөрүнэн ситистибит. Быйыл былаан быһыытынан таас чоҕу хостооһун өссө үрдүөхтээх, ол 38-40 мөл туоннаҕа тэҥнэһэр. Бу — «Эльга Уголь» уонна «Колмар» хампаанньалар инвестиционнай бырайыактарын олоххо киллэрии түмүгэр ситиһиллиэҕэ. Быйыл балаҕан ыйыгар «АнтрацитИнвестПроект» хампаанньа сылга 6,5 мөл туонна таас чоҕу хостуур саҥа инвестиционнай бырайыагын олоххо киллэрии саҕаланыаҕа. «Инаглинскайдааҕы» хайа-байытар кэмбинээккэ тимир суолун, хайаны-байытар фабрика 2-с уочаратын эбийиэктэрин тутуу ыытыллыаҕа.
Убаастабыллаах шахтердар!
Эһиги Саха сирин хампаанньалара бигэ туруктаах буолалларын туһугар эрэ буолбакка, бүтүн Арассыыйа энэргэтиичэскэй кыаҕын хааччыйыыга тугунан да кэмнэммэт улахан кылааккытын киллэрэҕит. Барыгытыгар ис-сүрэхпиттэн махтанабын! Инники да өттүгэр шахтер идэтин өрө тутаҥҥыт таас чох салаата сайдарын туһугар ылыныллыбыт быһаарыылары үмүрүтүөххүт диэн эрэнэбин. Барыгытыгар доруобуйаны, дьиэ кэргэҥҥитигэр бары үчүгэйи, кэрэни, үтүөнү баҕарабын!
Айсен Николаев, СӨ Ил Дархана.