Айсен Николаев Саха сиринээҕи гаас бырайыагын олоххо киллэрии дьоһун суолталааҕын бэлиэтээтэ
Саха сирин баһылыга Айсен Николаев “ЯТЭК” ПАУо 2021 сыллааҕы үп-хаһаайыстыбаннай үлэтин барыллааһын түмүктэрин таһаарыыга Саха сиринээҕи гаас бырайыагын олоххо киллэрии суолтатын бэлиэтээтэ.
“Өрөспүүбүлүкэҕэ улахан кээмэйдээх Саха сиринээҕи гаас бырайыагын олоххо киллэрии улахан суолталаах. Бырабыыталыстыба маны ситиһиилээхтик олоххо киллэриигэ бары усулуобуйаны тэриийэхтээх”, — диэтэ Айсен Николаев. Бу баайдаах сирдэргэ производствоны салгыы технологическай сэбилээһиҥҥэ эрэ буолбакка, сирин учаастагын талыыга, Саха сирин илин уонна киин сирдэригэр-уоттарыгар геологическай-чинчийэр үлэни ыытыыга сыһыаннаах. Уотунан хааччыйыы, бырайыагы тырааныспарынан хааччыйыы, каадырдары бэлэмнээһин боппуруостара быһаарыыны эрэйэллэр.
Айсен Николаев кэнники сылларга хампаанньа тирэхтээхтик сайдарын, производствоны саҥардыы ыытылларын, тулалыыр эйгэҕэ уонна бырамыысыланнаска куттал суох буолуута хааччылларын бэлиэтээтэ.
2021 сылга туруоруллубут соруктар толоруллубуттар, экэниэмикэҕэ үчүгэй көрдөрүүлэр ситиһиллибиттэр. Олохтоох каадырдары үлэҕэ киллэриини өйүүллэр. Ити эрээри өрөспүүбүлүкэ баһылыга олохтоох каадырдары хампаанньаҕа ылар үлэни күүһүрдэргэ соруйда.
ЯТЭК социальнай инфраструктураны сайыннарыыга кыттар. Кыһыл Сыырга оскуоланы саҥардан оҥоруу ыытыллар, бөһүөлэк иһинээҕи суоллары саҥардыы бырайыага оҥоһулунна.
Үлэ атын сытыы хайысхата – убатыллыбыт айылҕа гааһын ырыынагын сайыннарыыга убатыллыбыт гааһы оҥорон таһаарыыны сайыннарыы. Бырамыысыланнас уонна геология министиэристибэтэ маннык уматыкка тиэхиньикэни уонна хочуолунайдары көһөрүүгэ былааны торумнуохтаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
Бэлэмнээтэ: Женни Стрюкова