Айсен Николаев Саха сирин призывной хамыыһыйатын мунньаҕын ыытта

Ааптар: 
Бөлөххө киир:

Саха сирин призывной хамыыһыйатын мунньаҕар туох туһунан дьүүллэстилэр?

Бүгүн, балаҕан ыйын 23 күнүгэр, Саха сирин Ил Дарханын Айсен Николаев салалтатынан Саха Өрөспүүбүлүкэтигэр быстах хомуурга аналлаах эрэгийиэн призывной хамыыһыйатын мунньаҕа буолла. Мунньахха Арассыыйа Федерациятын Бэрэсидьиэнин Владимир Путин 2022 сыл балаҕан ыйын 21 күнүнээҕи “Арассыыйа Федерациятыгар быстах хомууру биллэрэр туһунан” Ыйааҕын тэрээһиннэрин толорууну дьүүллэстилэр.

Быстах хомууру ыытыы тула тахсыбыт иһитиннэриилэри ырыттылар. Куйаар ситиминэн дьону уолутар уонна балаһыанньаны уустугурдар элбэх ахсааннаах сымыйа дойҕохтор бааллара бэлиэтэннэ. Быстах кэмнээх хомуур хаамыытын туһунан быһаарар үлэни күүһүрдэргэ уонна сымыйа иһитиннэриилэр тахсыбыт источниктарын быһаарарга этилиннэ.

Арассыыйа Федерациятын уонна дойду дьонун-сэргэтин интэриэстэрин харыстыыр, норуоттар икки ардыларыгар или-эйэни уонна куттал суох буолуутун хааччыйар туһуттан  билигин туһаныллар сокуоннаска РФ Сэбилэниилээх Күүстэрин туһанар туһунан сымыйа иһитиннэриилэри дьиҥнээх курдук аһаҕастык тарҕатыы иһин холуобунай эппиэтинэс сүктэриллэрин санатабыт.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0