Доруобуйа Сүрүн

Айсен Николаев Саха сирин олохтоохторугар быһыыны биэрии тэтимин түргэтэтэргэ соруйда

СӨ ИЛ Дархана быһыыны биэриини түргэтэтэргэ тоҕо соруйда? Дьаҥҥа  хаптаран ыалдьыы, өлүү туруга хайдаҕый?

Суһал ыстаап уочараттаах мунньаҕар Айсен Николаев Саха сиригэр быһыыны биэрии тэтимин түргэтэтэргэ соруйда. Өрөспүүбүлүкэ баһылыга саныырынан, кэнники кэмҥэ быһыыны ылыы аччаабыт.

Ил Дархан Саха сиригэр эпидемия балаһыанньата ыгымын бэлиэтээтэ. Ыарахан туруктаах пациент уонна олохтон туораабыт киһи ахсаана  эбиллэр. Маннык хартыына дойду үрдүнэн бэлиэтэнэр.

“Быһыыга сыһыаннаах биһиги ылынар миэрэлэрбит түмүгү биэрэн эрэллэр. Хайдаҕын да иһин, ыарыы түгэнэ тахсыыта кыратык аччаата. Хас да нэдиэлэ анараа өттүгэр туһаммыт миэрэлэрбитин Москваттан Сахалиҥҥа диэри туһаналлар уонна сөптөөҕүнэн билинэллэр”, — диэтэ кини.

Айсен Николаев быһыыны ылыы тэтимин күүһүрдэргэ дьаһайда. Бу ордук сайын өрөспүүбүлүкэ таһымнаах тэрээһиннэр буолар оройуоннарыгар сыһыаннаах.

Муниципальнай тэриллиилэр баһылыктарын таһымыгар нэһилиэнньэҕэ быһыыны биэрии үлэтэ кыратык мөлтөөбүт курдук. Биллэн турар, вакцина бүппүт оройуоннара бааллар уонна саҥа баартыйа кэлиитин күүтэллэр. Ол эрээри баар да дозаны ситэри туһана иликтэр бааллар. Холобур, Горнай оройуонугар сотору Манчаары оонньуулара буолуохтара, манна урут тиийбит 20 бырыһыан быһыы туһанылла илик.  Спартакиадаҕа аччаабыта нэһилиэнньэ 70% быһыыны ылбыт буолуохтаах. Кэккэ бөлөх дьоҥҥо быһыы наада дии саныыбын”, — диэтэ Айсен Сергеевич.

Баһылык Доруобуйа харыстабылын министиэристибэтигэр мэдиссиинэ өттүнэн дьиҥ бэриллэрэ сөбө суох эрэ дьон категорияларыгар быһыыны биэрбэт туһунан быһаарыы ылыналларыгар сорудахтаата.

Кини маны сэргэ, федеральнай суһал ыстаапка өрөспүүбүлүкэ сиригэр олорор уонна үлэлиир тас дойду гражданнарыгар быһыыны биэриини быһаарар туһунан боппуруоһу көтөҕөллөрүгэр эттэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

Андрей Сорокин түһэриитэ, СИА.

0
0