“Бүгүн төһө да таһырдьа силбиктээх, ардахтаах, хаардаах тымныы күн буоллар, Саха сирин дьоно-сэргэтэ быыбарга көхтөөхтүк кытыннылар”, — диэн иһитиннэрэр “Россия-24” ханаалыгар Ил Дархан э.т. Айсен Николаев.
“Саха сиригэр Быыбар күнэ актыыбынайдык барда. Дьон кэлиитэ куһаҕана суох. Ити уопсастыба өрөспүүбүлүкэ олоҕор көхтөөхтүк кыттарын көрдөрөр” – диэн иһитиннэрэр кини. Санатан эттэххэ, быһа холуйан, билиҥҥи туругунан, Саха сиригэр быыбардааччылар 48,96 % кытынна.
Быйыл биһиги өрөспүүбүлүкэбитигэр Ил Дархан, Ил Түмэн быыбара тэҥинэн ыытылынна. Ону сэргэ Дьокуускай куорат баһылыгын, Гордума дьокутааттарын, 15 улууска, 20 нэһилиэккэ баһылыгы, 22 улууска уонна 7 нэһилиэккэ дьокутааттары таллылар.
Аграфена КУЗЬМИНА, “Саха сирэ” хаһыат.
+1
+1
+1
+1
+1
+1
+1