Айсен Николаев: «Саха сирэ арҕаа дойдулар сааҥсыйалара баарын үрдүнэн таас чох хостонуутун үрдэтэр»

Ааптар: 
Бөлөххө киир:

Бүгүн Ил Дархан Айсен Николаев Шахтер күнүн иннинэ Нерюнгрига таас чоҕун бырамыысыланнаһын үлэһиттэрин кытары көрсөн кэпсэттэ. 

«Төһө даҕаны арҕаа дойдулар экэнэмиичэскэй сааҥсыйалара бүрүүкээбитин үрдүнэн кэлиҥҥи сылларга Саха сиригэр таас чоҕун хостооһун үрдээтэ. Быйыл эмиэ элбэх таас чоҕо хостонуллуоҕа. Өрөспүүбүлүкэ, Уһук Илиҥҥи уокурук уонна дойдубут экэниэмикэтэ бөҕөргүүрүгэр хайа бырамыысыланнаһын исписэлиистэрэ өҥөҕүт, оруолгут олус улахан. Бүгүҥҥү күҥҥэ Саха сирэ дойду үрдүнэн таас чоҕу хостооһуҥҥа үс бастыҥнар кэккэлэригэр баар. Бэрт сотору кэминэн  биһиги эрэгийиэммит быһаччы көмөтүнэн, өйөбүлүнэн  Арассыыйа таас чоҕу бэлэмнээһиҥҥэ, хостооһуҥҥа аан дойду үрдүнэн лиидэрдэр кэккэлэригэр киириэҕэ», — диэн эттэ.

Айсен Николаев таас чох бырамыысыланнаһыгар сыл аайы оробуочай үлэ миэстэтэ элбиирин, аҥаардас  «Колмар» хампаанньаҕа 6,5 тыһ. киһи үлэлиирин туһунан аҕынна.  «Биһиги сүрүн сыалбытынан-сорукпутунан  оробуочайдар үлэлиир усулуобуйаларын үчүгэйдик тэрийэн, Нерюнгри Уһук Илиҥҥи уокурукка уонна Сибииргэ биир бастыҥ куорат буолуохтаах», — диэн Айсен Николаев санаатын үллэһиннэ.

+1
0
+1
0
+1
0
+1
0
+1
0
+1
0
+1
0