Сүрүн Үөрэх уонна наука

Айсен Николаев: «Саҥа оскуола саҥа технологиялары туһанар кыахтанна»

Бүгүн, ахсынньы 2 күнүгэр, Ил Дархан Айсен Николаев оробуочай сырыытынан Чурапчы улууһугар үлэлиир. Күн бастакы аҥаарыгар Ил  Дархан  Кытаанахха Василий  Яковлев — Далан аатынан саҥа оскуола-уһуйааны үлэҕэ киллэрэр үөрүүлээх тэрээһиҥҥэ кытынна.

«Оскуоланы  ыйыллыбыт болдьоҕор тутан киллэрдилэр, ол — кыра. Биһиги билигин сыыппараны сайыннарыыга  сүрүн болҕомтону уурабыт. Сыыппараны сайыннарыыттан  өрөспүүбүлүкэ элбэҕи туһанар.  IT-эйгэ, ураты индустрия…. Мин көрүүбүнэн,  экэниэмикэ инникитэ, сайдыыта  ити этиллибит аныгы технологияларга сытар.   Өрөспүүбүлүкэбитигэр  айар талааннаах, ураты билиилээх-көрүүлээх,  үөрэхтээх дьон наадалар.  Оҕоҕо кыра эрдэҕиттэн  саамай наадалаах идэлэр тустарынан кэпсиэххэ, билиһиннэриэххэ.  Билигин Кытаанах саҥа оскуолата саҥа технология оборудованиеларын атыылаһан туһанарыгар бары кыах баар. Ол курдук, квадрокоптердары, интерактивнай дуоскалары ылан, оҕолору үөрэтииигэ туһаныллыахтаах. Саамай сүрүнэ, IT-кылааһы тэрийиллиэхтээх. Бу барыта кыаллар кыахтаах,  ылсан үлэлиэххэ эрэ наада», — диэн Айсен Сергеевич саамай сөптөөх этиини, санааны эттэ.

 

edersaas.ru

0
1
Telegram @edersaas20