Айсен Николаев икки оҕоҕо Саҥа дьыллааҕы баҕа санаалара туоларыгар көмөлөһүө

Ааптар: 
Бөлөххө киир:
Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев губернатордарга оҕолор Саҥа дьылга баҕа санааларын суруйбут суруктарын биэрдэ.
«Ёлка желаний» үтүө санаа аахсыйатынан, СӨ Ил Дархана Айсен Николаев икки оҕоҕо Саҥа дьыллааҕы баҕа санаалара туоларыгар көҕмөлөһүө.
Айсен Николаев тулаайах уонна төрөппүт көрүүтэ-истиитэ суох хаалбыт оҕолорго көмөлөһөр Хаҥаластааҕы киин иитиллээччитигэр, уон саастаах Владислав Старковка баҕа санаатын толоруо. Уолчаан кыратыттан хаамарыгар-сиимэригэр ыарахаттары көрсүбүт. Кииҥҥэ киириэр диэри үчүгэйдик хаампат оҕочоон дьаныардаах дьарык кэнниттэн, хаамар буолбут уонна  бэлисипиэттэниэн баҕарарын суруйбут.
Маны сэргэ, Ил Дархан Үөһээ Бүлүүтээҕи тулаайах уонна төрөппүт көрүүтэ-истиитэ суох хаалбыт оҕолорго көмөлөһөр киин иитиллээччитигэр, 17 саастаах Жанна Чувакинаҕа баҕа санаатын толоруо. Жанна олохтоох техникумҥа тыа хаһаайыстыбатын маастарыгар үөрэнэр. Кини эргэ төлөпүөнэ алдьанан, саҥа төлөпүөннэниэн баҕарарын суруйбут.
Санатан эттэххэ, СӨ Ил Дархана Айсен Николаев ахсынньы 10 күнүгэр Владивостокка Уһук Илин федеральнай уокуругар РФ Бэрэсидьиэнин боломуочуйалаах бэрэстэбиитэлэ Юрий Трутнев кыттыылаах сэбиэт мунньаҕар кыттыыны ылбыта. Түмүккэ, оҕолор Саҥа дьылга баҕарбыт бэлэхтэрин туһунан суруйбут суруктарын харыйаттан Юрий Трутнев ылан, субъектар баһылыктарыгар тиксэрбитэ.
Андрей Сорокин (СИА) хаартыскаларга түһэриитэ
+1
0
+1
0
+1
0
+1
0
+1
0
+1
0
+1
0