Айсен Николаев Роман Щегельнякка Нерюнгри оройуонун сайдыытын туһунан ыйааҕы толорууга соруктары туруорда
Айсен Николаев Роман Щегельнякка Нерюнгри оройуонун сайдыытын туһунан ыйааҕы толорууга соруктары туруорда
2026 сылга Нерюнгри оройуона Уһук Илиҥҥэ табыгастаах эйгэлээх буолуохтаах. Маннык сыалы өрөспүүбүлүкэ баһылыга аҕыйах хонуктааҕыта илии баттаабыт ыйааҕар бэлиэтээтэ.
Айсен Николаев Нерюнгри оройуонун баһылыга Роман Щегельнягы кытта оробуочай көрсүһүүтэ буолла. Өрөспүүбүлүкэ баһылыга стратегическай сыалы толорууга болҕомтону туһаайыллар хайысхалары ааттаата.
“Нерюнгри оройуона 50 сылын туолуутугар олох хаачыстыбата туруктаах, социальнай инрфаструктура, урбаан, табыгастаах тырааныспар ситимнээх куорат эйгэтэ олохтоноругар бары күүскүтүн ууруохтааххыт”, — диэтэ Николаев.
Кини бырамыысыланнас хампаанньаларын, ол иһигэр “Колмар” уонна “Эльгауголь” хампаанньалары кытта ыкса үлэлииргэ сүбэлээтэ.
Щегельняк өрөспүүбүлүкэ баһылыгын ыйаахха ыйыллыбыт бары былааннары олоххо киллэриигэ дьоһуннаахтык сыһыаннаһыахтара диэн эрэннэрдэ.
“Маннык дьоһун докумуону толорууга былаас уорганнарын, бырамыысыланнас тэрилтэлэрин, олохтоохторун кытта үгүс үлэ ыытыллыахтаах. Туруоруллубут соруктар Нерюнгри олохтоохторун олохторун-дьаһахтарын тупсаҕай оҥорууга төһүү буолуохтара диэн эрэнэбин”, — диэтэ кини.
Салайааччылар көрсүһүүгэ коронавирус дьаҥын балаһыанньатын дьүүллэстилэр. Роман Щегельняк бу дьаҥтан быһыыны ылыы уонна кирииби утары быһыы хампаанньатын туһунан кэпсээтэ.
Санатан эттэххэ, 2026 сылга диэри Нерюнгри оройуонун социальнай-экэнэмиичэскэй сайдыытын туһунан ыйаахха өрөспүүбүлүкэ баһылыга ахсынньы 15 күнүгэр, эрэгийиэн парламеныгар Анал этии оҥорбут күнүгэр илии баттаабыта.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската, СИА.
Бэлэмнээтэ Женни Стрюкова