Дойду Аҕа баһылыга Владимир Путин РФ Судаарыстыбаннай сэбиэтин саҥардыллыбыт састаабын бигэргэттэ. Туһааннаах ыйаах официальнай порталга таҕыста.
Владимир Путин салайааччылаах госсэбиэт састаабыгар парламентарийдар, уопсастыбаннай түмсүүлэр бэрэстэбиитэллэрэ, губернатордар, ол иһигэр Саха Өрөспүүбүлүкэтин Ил Дархана Айсен Николаев киирдэ.
Уһук Илин федеральнай уокуругуттан саҥардыллыбыт састаабка РФ Уһук Илиннээҕи федеральнай уокурукка боломуочуйалаах бэрэстэбиитэлэ Юрий Трутнев, Еврейскэй автономнай уобалас губернатора Ростислав Гольдштейн, Приморскай кыраай губернатора Олег Кожемяко, Чукотскай автономнай уокурук губернатора Роман Копин, Сахалин губернатора Валерий Лимаренко, Магадан губернатора Сергей Носов, Амурскай уобалас губернатора Василий Орлов, Забайкальскай кыраай губернатора Александр Осипов, Камчатка губернатора Владимир Солодов, Бурятия Өрөспүүбүлүкэтин баһылыга Алексей Цыденов киирдилэр.
СӨ Ил Дарханын уонна СӨ Бырабыыталыстыбатын пресс-сулууспата