Айылҕа харыстабыла Сүрүн

Айсен Николаев: «Өрөспүүбүлүкэ оройуоннарыгар доброволецтар, волонтердар тиийэн үлэлии сылдьаллар»

Бүгүн Ил Дархан Айсен Николаев Горнай улууһугар үлэлээтэ. Ойуур баһаардара саҕаланыаҕыттан уоту утары охсуһууга күннэтэ  Авиалесоохрана, Якутлесресурс, ЫБММ үлэһиттэрэ, олохтоохтор уонна доброволецтар үлэлии сылдьаллар диэн Айсен Сергеевич инстаграмҥа страницатыгар суруйда.

-Билигин сүрүн болҕомто Горнай улууһугар ууруллар. Манна 11 ойуур баһаарын умулларыыга үлэ ыытыллар. Бэҕэһээ мин сорудахпынан Горнайга 27 анал техника кэлбитэ. Бу күннэргэ Саха сирин олохтоохторо түмсүүлээхтэринэн холобур көрдөрө сылдьаллар. Өрөспүүбүлүкэ оройуоннарыгар доброволецтар, волонтердар тиийэн үлэлии сылдьаллар. Олохтоох тэрилтэлэр күүс-көмө буолаллар. Өрөспүүбүлүкэ уопсастыбаннай  добровольческай ыстааба тэрилиннэ. Билигин биһиги кылаабынай сыалбыт — бары күүспүтүнэн ойуур баһаардарын умулларыы буолар, — диэн суруйда.

Маны таһынан ИТ-хампаанньаларга, урбаанньыттарга үбүнэн-харчынан көмөлөрүн иһин махталын биллэрдэ.

 

 

edersaas.ru

0
0